AHANAIE sé yon pati pitèt kawant atis, ékwiven é mizisyen hòd plizyè plas ki dèdiké kò yo pou konfwonté bètizasyon nonm é pou pli fè moun konpwann mannyè moun pou viv. Paski plizyè manb hòd pati - la soti hòd Kawayib-la, yon lo konpozisyon é kwéyasyon pati moun-la plen ti bagai istowik épi kilti hòd wéalité sosyal sé Kawayib-la é ka ba nou bon kout zyé assou lèspéwéyans Kawayib/Kannadyen épi sa moun Afwik alonn. Pilotwi pati mizisyen ki assosyé èvè AHANAIE sé senk mèt tanbou. A fòs i ni plito tout sé zéléman ritmik, sa ka pousé pawòl-la, shanté é tout manniman mizik-la. Sa enpòtan pas langaj mizik épi mouvman, dapwé mwen sous lafwa Kawayib la, Lafwik épi sa ki alonn yo tout plen zéléman ritmik.

AHANAIE pa ka kanmenm mawé kò'y pa bònn epi péyi, kilti, téwen é lézòt, pas lidé pwensipal-la sé pou ofè yon vizyon ki nou tout sé moun latè pa moutwé èspéwéyans difisil épi moun menm bèt menm pwèl. Pou listwè vizyon konmen sa-la, nou ka navidjé détwa lidé lékolaj kon: déwasinman é shanjman; wézistans kont sèkonstans é fòs ki ka pwan nonm fè bétiz; nou ka moutwé kouman nou ni plizyè anset; ka shonjé listwa mélanjé; ka hosé kozé si menm mannyè nou tout hòd diféwan koté é plas; é nou ka fété lézistwa wézistans épi pa moli.

AHANAIE sé yon mo ki ka doubout pou é mennen ansanm tout kilti assou latè. Sé lèt la é sa yo ka doubout pou ka alé kon sa:

Afwitjen (nèg), panyòl, shinwa, zendyen, awab, kwayib, béké. Filozòfi ka kondwi AHANAIE sé ki tout moun sa viv ansanm, ka apwésyé é wèspété yonn é lòt épi sa vwè latè diféwan mannyè.

AHANAIE ka alé kont népòt katjil ki ka mété pyès bann, kilti, was, nasyon o sosiété hayti-tayti assou yonn é lòt.

AHANAIE ka rijèk tout gyad kolonnizatè é bann ki pa ka aksèpté lézòt mé I ka ésséyé konpwann épi kalkilé ki mannyè sé gyad é katjil ja afèkté idantité é diféwan léshèl sosyété nou.

AHANAIE ka wéfizé aksèpté libèté kontwolé; I ka wéfizé aksèpté népòt bònn sa bawé moun pou lavi étènnèl épi I ka fè sèman ki libèté sé dwa tout moun lonbwi yo koupé assou late. Finnalman, anbisyon-la sé pou mennen ansanm tout sa ka shèshé lavéwité é libèté adan yon konminoté lèspwi ka sèvi pawòl épi mizik é konmisyon yo ka pòté. Sé konpozisyon èkspéwimantal-la sé yon koubouyon twadisyon ékwi é pale mé shak mòso ka navidjé syncretism mizikal an mannyè mélanjé plizyè stil, mèlodi épi rit mizik. Mizik-la ki byen naté èvè sé pawòl shak mòso, kanmenm ka wépwézanté yon lashas épi kozé linite ko ay.

AHANAIE ka twavay apwézan pou podwi pwènmyé CD- li ki ké sòti o bout lanné-la.

AHANAIE ka di byen vini oti sit wèb nou épi fèt-la é ka envité tout moun pou vini navidjé eve nou asou plizyè téwen é plas. Osi pou nou apwann hòd yonn é lòt katjil asou lavi, atisannat, pozisyon lavenni politik, ti doudou shéwizm, kankan, wasin, lavéwité, listwa é pou dansé assou rit djéwisant, fòtifyan tabou-la. Moun pé pa di ki kwéyasyon atistik pa sa wennouvlè pozisyon nou assou latè pa défandé valè épi lidé-nou kont sistenm lèlmi.